Greiðslur sjúklinga vegna vefjarannsóknar

Vefjarannsóknarstofan ehf er rekin á grundvelli samnings við Sjúkratryggingar Íslands (SÍ). Heilbrigðisyfirvöld ákvarða kostnaðarhlutdeild sjúklings í hverju sýni. Svo segir í 17. grein reglugerðar nr. 1495-2025 um greiðsluþátttöku sjúkratryggðra í kostnaði vegna heilbrigðisþjónustu: 

Fyrir hverja komu til rannsóknar á rannsóknarstofu og vegna rannsóknar á sýni sem sent er til rannsóknar í rannsóknarstofu, sbr. þó 13. gr., skulu sjúkratryggðir greiða sem hér segir:

1. Sjúkratryggðir almennt, 3.716 kr.
2. Aldraðir og öryrkjar, 2.477 kr.
3. Börn greiða ekkert gjald.

Skoða reglugerðina í heild sinni.

Þegar búið er að afgreiða sýnið og vefjasvar eða sjúkdómsgreining hefur verið send lækni sjúklingsins er stofnuð innheimtukrafa fyrir hlut hins sjúkratryggða sem birtist í heimabanka sjúklings.